29 қыркүйек күні Асқар Тоқпанов атындағы Жамбыл облыстық академиялық қазақ драма театрының сахнасында «Аман.сенімдер сөнгенде» психологиялық драмасының премьерасы өтті.
Қойылым құмар ойынға тәуелділіктің адам өміріне, отбасы мен жақындарының қарым-қатынасына тигізетін кері әсерін арқау етеді. Спектакль арқылы көрерменге адамның өз әрекетіне жауапкершілігі, жоғалған сенім, отбасы құндылығы және қиын жағдайдан шығудың жолын іздеу мәселелері ұсынылды.
Қойылымның авторы — театрдың жас артисі Азамат Тұраров.
Қоюшы-режиссері — Аякөз Абдраманова.
Қоюшы-суретшісі — Аружан Адырбек.
Премьера барысында көрермендер қойылымды жылы қабылдап, шығармашылық ұжымға өз ризашылықтарын білдірді.
